Jæja, þá er hafin uppjárning og þjálfun fyrir smölun. Ætlum samt að fara í Skrapatungu í skemmtireið, hægt að mæla með henni við alla.

Jæja, þá er búið að skera úr um það.

Loki Laufeyjarson verður grár, jibbí.

Við ætlum að taka við hrossum í hagagöngu,  2000 kr án fóðurs, 5000 með gjöf. 

Frekar stór Sólfaxasonur er kastaður á Höfn. Hann er fíngerður og fríður.
Að vanda hjá þessari meri, lendi ég í vandræðum með að litgreina kappann.
Hann er til sölu og kostar 100.000 kr.
S: 892 2534 Eva

Þá er Rósa farin undir hest.
En við völdum á hana Ábóta frá Söðulsholti.

Stjarna fór undir hest í gær.
Völdum á hana Vísi frá Hávarsstöðum, rauðskjóttur töffari.
Búin að ræða við alla, hest, meri og eigendur og samþykktum það að ég fengi, bleikskjótta meri.

Frostrós köstuð, lítil rauð meri.
Fór út í hólf í gær, en komst að því þegar ég var komin á leiðarenda að myndavélin var rafhlöðulaus.
Fer aftur í dag.

Vill benda á tengilinn söluhross, sem var að bætast inn hjá okkur

http://smaauglysingar.hestafrettir.is/augl/vindott-meri-til-solu-e%c3%b0a-i-skiptum-fyrir-hestakerru

Hver kannast ekki við það vandamál að gjörðin sé of stutt. Þú ert búinn að ná í gamla grána/skjóna/rauð osfv út í haga í lok ágúst og skellir undir hann skeifum. Ferð svo inn í kaffi vegna þess að þú ert þreyttur/þreytt eftir járninguna og færð þér kannski randalínu með kaffinu og svona, að því að það er nú þessi dagur. Og þegar allt þetta er afstaðið er sá gamli ennþá út í gerði og bíður eftir þér þolimóður. Nú er bara að setja við hann beislið og drýfa sig í það að þjálfa fyrir göngur sem eru eftir 2 vikur. Klárinn er teymdur heim að húsi bundinn við vatnsstampinn sem datt aftan af palli hjá vegagerðinni hérna um árið þetta er góður stampur sem þú ert búinn að eiga lengi. En allaveg nú er bara skella hnakknum á og sér á bak en viti menn gjörðinn er of stutt þú getur ekki hert hnakkinn á hestinn sumargrösin of kraftmikil þetta árið. En það er allt í laga því þú átt MÖRLENGINGU þú festir hana við móttökin og gjörðina svo í hana og áður en þú veist af ert þú og gamli másandi og blásandi í síðsumar blíðunni.

Hér kemur smá útskýring á handfanginu. Þetta er í raun ól eða spotti festur framan á hnakkinn. Nafnið er dregið af því þegar hesturinn fer að hrekkja segir maður ó shitt. 

Það sem gott er að hafa í huga þegar riðið er út í roki. Fyrst og fremst þarf að hafa gott "ó shitt" handfang á hnakknum til að geta gripið í.. Einnig er gott að vera á ætið meðvitaður um skyndilegar vindhviður og þá kemur "ó shitt" handfangið að góðum notum. Þegar riðið er út í roki er ekki gott að vera á ungum hesti sem er verið að vinna með í taum hann gæti orðið taumkaldur og jafnvel kvíðinn með tímanum ef rokreið er mikið stunduð. Lágmark er svona 12 vetra traustir hestar sem þola flaxandi knapa sem rígheldur með annari í taum og í örvæntingu sinni grípur í "ó shitt" með hinni.

Símon Hrafn tók tók þessa í snjónum á Akureyri  fyr í vetur

Í dag er 12ms standandi vindur og 17ms í hviðum hér í Höfn (Melasveit) þá væri nú gott að eiga reiðhús til þess að taka smá skrens inn í